എസ്.എന്‍.ഡി.പി യോഗത്തിന്‍റെ പ്രധാന പോഷക സംഘടനകളിലൊന്നായ സൈബര്‍സേന യോഗത്തിന്‍റെ അവിഭാജ്യ ഘടകം കൂടിയാണ്.യോഗത്തിന്‍റെ വാര്‍ത്തകളും യോഗം നിലപാടുകളും ശരിയായ രീതിയില്‍ സമൂഹത്തിലെത്തിക്കുന്നതിനായി യോഗം നേരിട്ട് രൂപീകരിച്ചരിക്കുന്ന സംഘടന കൂടിയാണ് സൈബര്‍സേന.വിമര്‍ശകരുടെയും ,യോഗത്തെ തകര്‍ക്കാന്‍ നടക്കുന്ന കുലംകുത്തികളുടെയും ആരോപണങ്ങള്‍ക്ക് കൃത്യമായി മറുപടി കൊടുത്ത് യോഗ നേതൃത്വത്തെ സംരക്ഷിച്ചു നിറുത്തുവാനുള്ള ശ്രമങ്ങള്‍ വളരെ ചടുലതയോടെ നിര്‍വ്വഹിച്ചു വരുന്ന സൈബര്‍സേന പ്രവര്‍ത്തകര്‍ എസ്.എന്‍.ഡി.പി യോഗത്തിന് എന്നും അഭിമാനമാണ്.
സൈബര്‍സേനയുടെ പ്രവര്‍ത്തനങ്ങള്‍ കൂടുതല്‍ കരുത്തുറ്റതാക്കാന്‍ പ്രൊഫണല്‍ ടെക്നിക്കല്‍ വിദഗ്ദ്ധരുടെ കൂടെ സഹായത്താല്‍ പ്രവര്‍ത്തകര്‍ക്കായി പ്രത്യേകം പഠന ക്ളാസ്സുകളും പരിശീലനങ്ങളും നല്‍കുവാന്‍ യോഗ നേതൃത്വം തീരുമാനമെടുത്തിട്ടുണ്ട്.ഗുരുദേവ ദര്‍ശനത്തെ നെഞ്ചിലേറ്റി,അവരവരുടെ തൊഴിലിനും വിദ്യാഭ്യാസത്തിനുമിടയില്‍ സമയം കണ്ടെത്തി എസ്.എന്‍.ഡി.പി യോഗത്തിന്‍റെ പ്രചാരണ പ്രവര്‍ത്തനങ്ങള്‍ക്ക് നേതൃത്വം നല്‍കുന്ന എന്‍റെ പ്രിയ സഹോദരങ്ങളെ ഞാന്‍ അഭിനന്ദിക്കുന്നു.
യോഗ നേതൃത്വത്തിന് എന്നും സംരക്ഷകരായി നിലകൊള്ളുന്ന സൈബര്‍സേനയെ പിരിച്ചു വിട്ടു എന്ന തരത്തിലുള്ള ചില സാമൂഹ്യ കുലദ്രോഹികളുടെ പ്രചാരണത്തില്‍ യോഗം പ്രവര്‍ത്തകര്‍ അകപ്പെട്ടുപോകരുത്.അത്തരക്കാരുടെ ലക്ഷ്യം എസ്.എന്‍.ഡി.പി യോഗത്തിന്‍റെ ശക്തിയും കൂട്ടായ്മയും തകര്‍ക്കലാണെന്ന് നാം ഓരോരുത്തരും തിരിച്ചറിയണമെന്ന് അഭ്യര്‍ത്ഥിക്കുന്നു.
തുഷാര്‍ വെള്ളാപ്പള്ളി
വൈസ് പ്രസിഡന്‍റ്
എസ്.എന്‍.ഡി.പി യോഗം
വൈസ് പ്രസിഡന്‍റ്
എസ്.എന്‍.ഡി.പി യോഗം
https://www.facebook.com/ThusharVellappallyofficial/photos/a.300317560117258/1387796444702692/?type=3&theater&ifg=1
0 comments:
Post a Comment