മതങ്ങള്‍ ഉണ്ടാക്കപെട്ടതാണ് , അത് നശിക്കുകയും ചെയ്യും ആത്മീയത ആകട്ടെ എക്കാലവും നില നില്‍ക്കും.മത നിയമങ്ങളുടെ പിടിയില്‍ നിന്നും മോചിതമായാലെ ശുദ്ധമായ ആത്മീയതക്ക് ശക്തി പ്രാപിക്കാന്‍ കഴിയുകയുള്ളൂ.
ഗുരുദേവന്റെ ഒരു ജാതി , ഒരു മതം ഒരു ദൈവം എന്ന വിശ്വ മനവീയതയുടെ മൂല മന്ത്രത്തിനു മതങ്ങളുടെ ചട്ടകൂട്ടിനകത്തു നിന്ന് കൊണ്ട് അര്‍ഥം കണ്ടെത്താന്‍ കഴിയില്ല.ഹിന്ദു മതവും ഏക ജാതി എന്ന സങ്കല്പവും ഒന്നിച്ചു പോകില്ല . ഹിന്ദുവായോ, മുസ്ലിം ആയോ ക്രിസ്ത്യാനി ആയോ ഒക്കെ മാത്രമേ മത വിശ്വാസിക്ക് മുന്നോട്ടു പോകാന്‍ കഴിയൂ.മതങ്ങളുടെ സഹായമില്ലാതെ തന്നെ, മതങ്ങളിലൂടെ അല്ലാതെ തന്നെ മനുഷ്യര്‍ക്ക്‌ ദൈവികതയെ അറിയാന്‍ കഴിയും . അതാണ്‌ ഗുരുദേവ ദര്‍ശനങ്ങളുടെ കാതല്‍.
സെമിടിക് മതങ്ങള്‍ ആകട്ടെ തങ്ങളുടെ ദൈവത്തെ പക്ഷപാതിയും, നിഷ്ടൂരനും ആയി കരുതുന്നു. മത തീവ്രവാദവും, മത പരിവര്‍ത്തന വാദവും സെമിടിക് മതങ്ങളുടെ ഇടയില്‍ വ്യാപിക്കുന്നത് ഇതിനാലാണ് .
ഗുരുദേവ ദര്‍ശനങ്ങള്‍ പഠിക്കുന്ന ഒരാള്ക്ക് മതത്തിന്റെ ചട്ടകൂട്ടില്‍ നിന്ന് കൊണ്ടോ മതത്തെ ഉപേക്ഷിച്ചോ ദൈവികതയെ തേടാന്‍ കഴിയും. എന്നാല്‍ അതു ഹൃദയത്തില്‍ സ്വാംശീകരിക്കുന്ന ഒരാള്ക്ക് മതത്തിന്റെ കെട്ടുപാടുകള്‍ ഇല്ലാതെ തന്നെ ദൈവികതയെ പ്രാപിക്കാന്‍ കഴിയും.മത വൈരം കൂടുന്ന ഈ കാലത്ത് നാം പ്രച്ചരിപ്പിക്കെണ്ടതും ഈ ധര്‍മം തന്നെ.
ശിവഗിരി madathinte പ്രാധാന്യം ഇവിടെ ആണ് . ശിവഗിരിക്ക് മാത്രമേ മത മുക്ത ആത്മീയത പ്രചരിപ്പിക്കാന്‍ കഴിയൂ . അതാകണം മാനവ രാശിക്ക് വേണ്ടി ശിവഗിരി ചെയ്യേണ്ടതും
ശ്രീനാരായണ ധര്‍മം അറിയാന്‍ ആഗ്രഹം ഉള്ളവര്‍
0 comments:
Post a Comment