ശാക്തേയരായ ആദിജനതയ്ക്കും, കൊടുങ്ങല്ലൂർ പത്തിനീ ദേവി കുലദൈവമായുള്ള ഈഴവസമുദായത്തിനും ഇതിൽപ്പരം പ്രധാനപ്പെട്ട മറ്റൊരു ദിനമില്ല!
കണ്ണാൽ മാമധുരയെ എരിച്ച്, പാണ്ഡ്യ ദേശമുപേക്ഷിച്ച് ചേരരാജ്യത്തെത്തിയ കണ്ണകിയ്ക്ക് അഭയവും, കാവലും ആയത് അന്നത്തെ ചേരരാജവംശത്തിലെ സൈന്യവും സേനാധിപതിമാരും ആയ ചേകവപ്രമാണിമാർ ആയിരുന്നു. ഇവരാൽ ദേവി പത്തിനീദേവി (സിംഹളപാരമ്പര്യമുണ്ടായിരുന്ന ചേകവന്മാരിൽ ചിലർ ശ്രീലങ്കയിലെ ബുദ്ധഭിക്ഷുക്കൾ ആരാധിച്ചിരുന്ന പത്തിനീ ദേവിയുടെ അവതാരമായി കണ്ണകിയെ കണ്ടിരിയ്ക്കാം) ആയി അന്നുണ്ടായിരുന്ന ഒരു ശിവക്ഷേത്രത്തിൽ ഉപദേവതാ രൂപത്തിൽ കുടിയിരുത്തപ്പെട്ടു. പിന്നീട് ചേരരാജവംശചക്രവർത്തി ചേരൻ ചെങ്കുട്ടവൻ സ്വയം പൂജ ചെയ്യാൻ കുമളിയിൽ മംഗളാദേവിയേയും, ചേകവന്മാർക്ക് കളരികുലദേവതയായി കൊടുങ്ങല്ലൂർ പത്തിനി ദേവിയേയും ക്ഷേത്രം നിർമ്മിച്ച് കുടിയിരുത്തി. എങ്ങനെ നോക്കിയാലും സിംഹളബുദ്ധപാരമ്പര്യത്തിലും, നാഗവംശപാരമ്പര്യത്തിലും പത്തിനീ ദേവി തന്നെ ഈഴവർക്ക് കുലദേവത, ആയതിനാൽ നാഗപഞ്ചമി പരമപ്രധാനം തന്നെ!അരുണേ, ഞാൻ അത് നിഷേധിയ്ക്കുന്നില്ല. 2 ആം നൂറ്റാന്റിൽ ജീവിച്ചിരുന്ന ചെങ്കുട്ടുവൻ ക്ഷേത്രം നിർമ്മിച്ചു എന്നേ ഞാൻ പറഞ്ഞുള്ളൂ. അതിനു മുമ്പ് തന്നെ ചേകവന്മാരുടെ ഇടയിൽ കണ്ണകിയുടെ കഥ വായ്മൊഴിയായി പ്രചരിച്ചിരുന്നു. കണ്ണകിയുടെ മരണശേഷം ഒരു കുടിയിരുത്തൽ നടന്നിരിയ്ക്കാം. എന്നാൽ ചേരൻ ചെങ്കുട്ടവൻ ക്ഷേത്രം നിർമ്മിച്ച് ശ്രീലങ്കയിൽ നിന്നെത്തിയ ബുദ്ധഭിക്ഷുക്കളുടെയും, രാജാവിൻറ്റേയും സാന്നിദ്ധ്യത്തിൽ ചേകവന്മാർക്ക് നൽകിയത് നമ്മുടെ കുലദേവതയായ പത്തിനീ ദേവിയ്ക്ക് ആയിരുന്നു. കണ്ണകിയെ കുടിയിരുത്തിയത് കൂടെ ഉണ്ടായിരുന്ന ആ ശിവക്ഷേത്രത്തിൽ ആയിരിയ്ക്കാം. ഇളങ്കോ അടികൾ 6 ആം നൂറ്റാണ്ടിൽ ചിലപ്പതികാരം എഴുതുമ്പോൾ ചേരസാമ്രാജ്യത്തിനു ക്ഷയം വന്ന് തുടങ്ങിയിരുന്നു. അയാൾ കണ്ണകീ ചരിതവും കൊടുങ്ങല്ലൂർ ക്ഷേത്രവും കൂട്ടിച്ചേർക്കുകയും താൻ ഇളയരാജാവാണ് ( അതായത് 2 ആം നൂറ്റാണ്ടിൽ ജീവിച്ചിരുന്ന ചെങ്കുട്ടവൻറ്റെ അനുജൻ 6 ആം നൂറ്റാണ്ടിൽ!) എന്ന് എഴുതിപ്പിടിപ്പിയ്ക്കുകയും ചെയ്യുക വഴി പാണ്ഡ്യ - ചോള ദേശങ്ങളിൽ കൂടി കണ്ണകി കൊടുങ്ങല്ലൂരമ്മയായി എന്നതാണു വസ്തുത. ഞാൻ കണ്ണകി എന്ന് പറയുന്നില്ല, പത്തിനീ ദേവി എന്നേ എല്ലായ്പ്പോഴും പറഞ്ഞിട്ടുള്ളൂ. ചേകവന്മാർക്ക് കളരിപരമ്പരദൈവം കുലദേവത അത് പത്തിനീ ദേവി തന്നെ!സങ്കൽപ്പത്തിൽ ചണ്ഡാമുണ്ഡന്മാരെ വധിച്ച സാക്ഷാൽ ദുർഗ്ഗ, ചാമുണ്ഡി, അതാണു യോദ്ധാക്കളായ വീരന്മാരുടെ കുലദേവത,(കണ്ണകിയല്ല), സൂക്ഷ്മത്തിൽ പർബ്രഹ്മത്തിൽ നിന്നും പുറപ്പെട്ട്, അപരബ്രഹ്മത്തിലൂടെ സഞ്ചരിച്ച്, ആത്മനിലൂടെ കടന്ന്, പരബ്രഹ്മത്തിൽ മടങ്ങിയെത്തുന്ന ശക്തി, ദേവി, മഹാമായ ആണു ശാക്തേയരായ നമുക്ക് കുലദേവത.
http://ezhavahistory.blogspot.in/
0 comments:
Post a Comment