പുത്തൂരം വീട്ടിലേ കാരണോന്മാര്‍
എഴുപത്തു നാട്ടീന്നു വന്നോരാണേ
ചേരാന്‍പെരുമാളു തമ്പുരാനും
ഓലയെഴുതിയയച്ചിതല്ലോ
എഴുവത്തി രാജാവിന്നു കത്തുകിട്ടി
അപ്പോള്‍ പറയുന്നു രാജാവല്ലോ
ഇവിടെന്നേഴുപേരെ അയക്കവേണം
മലയാളപ്പെരുമാളുടെ കല്‍പ്പനയായ്
കുലവിരുതൊത്തൊരു ചേകവരും
മലയാളത്തേക്കന്നു യാത്രയായി
ചേരാന്‍ പെരുമാളേ തമ്പുരാന്റെ
തിരുമുന്‍പില്‍ ചെന്നു തൊഴുതുണര്‍ത്തി
ചേരാന്‍ പെരുമാളു തമ്പുരാനും
ചേകോന്‍ പദവിയും നല്‍കീട്ടുണ്ട്
പട്ടും തീട്ടൂരവും നല്‍കീട്ടുണ്ട്
പുത്തൂരം വീടും കളരീം തന്നു
അട്ടിപ്പേറായി എഴുതിത്തന്നു
0 comments:
Post a Comment