നോയ്ഡ സെക്ടര്‍ 15-ലെ ഹരിതാഭവും വിശാലമായ അംബേദ്കര്‍ പാര്‍ക്കില്‍ ശ്രീ നാരായണ ഗുരുവിന്റെ വെങ്കലശില്‍പ്പത്തിനും പാര്‍ക്കില്‍ യു. പി സര്‍ക്കാര്‍ ഇടം നല്‍കി. മണല്‍ശിലകള്‍ പാകിയ ചുറ്റുമതിലോടെ നോയ്ഡ ഫിലിം സിറ്റിക്കു സമീപം അംബേദ്കര്‍ പാര്‍ക്ക് തലയെടുപ്പോടെ നില്‍ക്കുന്നു. നിര്‍മാണച്ചെലവ് 684 കോടി രൂപ. മുഖ്യകവാടം കടന്നാല്‍ ദേശീയ ദലിത് സ്മാരകം. അവിടെ ദേശീയ നേതാക്കളുടെ സ്മാരകചിത്രങ്ങള്‍ . ബുദ്ധഗവേഷണകേന്ദ്രം, ബുദ്ധമ്യൂസിയം എന്നിവയും തുറന്നു. തൊട്ടടുത്തായി അംബേദ്കറുടെ ശില്പം. തുടര്‍ന്ന് കാതങ്ങള്‍ക്കപ്പുറം മനോഹരശിലകള്‍ പാകിയിട്ടുള്ള വൃത്താകൃതിയിലുള്ള സ്മാരകകേന്ദ്രം. നടുവില്‍ അശോകചക്രവുമായി കൂറ്റന്‍ തൂണ്‍ .
എട്ടടിയോളം ഉയരമുള്ള പ്ലാറ്റ് ഫോമില്‍ മുണ്ടുടുത്ത് ഷാള്‍ പുതച്ചു വടിയൂന്നി നില്‍ക്കുന്ന രീതിയില്‍ ആണ് ഗുരുദേവ പ്രതിമ. 18 അടി ഉയരം ഉണ്ട് പ്രതിമയ്ക്ക്. ഏകദേശം നാല് ടണ്‍ വെങ്കലം ഉപയോഗിച്ചു. 45 ലക്ഷം രൂപയാണ് ചെലവ് . പാര്‍ലമെന്റിന് മുന്‍പിലെ ഗാന്ധി പ്രതിമയുടെ ശില്പി ആയ റാം സുതാര്‍ ആണ് ശില്പി. 3 കൊല്ലം കൊണ്ടാണ് നിര്‍മാണം പൂര്‍ത്തി ആയത് . സാഹിബബാദിലെ സ്റ്റുഡിയോയില്‍ ഫൈബര്‍ അച്ചില്‍ നാല് ഭാഗങ്ങള്‍ ആയി പ്രതിമ നിര്‍മിച്ചു പാര്‍ക്കില്‍ കൊണ്ട് വന്നു കൂട്ടി യോജിപ്പിക്കുക ആയിരുന്നു.
0 comments:
Post a Comment