ദൈവമേ! കാത്തുകൊള്‍കങ്ങുകൈവിടാതിങ്ങു ഞങ്ങളേ;നാവികന്‍ നീ ഭവാബ്ധിക്കോ-രാവിവന്‍തോണി നിന്‍പദം. (1)അല്ലയോ ദൈവമേ,അങ്ങ് ഞങ്ങളെ കൈവിടാതെ കാത്തുകൊള്ളേണമേ. ജനനം,ജീവിതം, മരണം എന്നിവയാലുള്ള സംസാരസമുദ്രത്തെ കടത്തുന്ന നാവികനാണ് അവിടുന്ന്.അതിനുള്ള വലിയ ആവികപ്പലാണ് നിൻ പദം .( ഓം)
ഒന്നൊന്നായെണ്ണിയെണ്ണി ത്തൊ-ട്ടെണ്ണും പൊരുളൊടുങ്ങിയാല്‍നിന്നിടും ദൃക്കുപോലുള്ളംനിന്നിലസ്‌പന്ദമാകണം. (2)പ്രപഞ്ചത്തിലുള്ള ഓരോ വസ്തുവിനെയും തൊട്ടു തൊട്ടു എണ്ണി കഴിഞ്ഞാൽ പിന്നെ എണ്ണാൻ ഒരു വസ്തുവും ഇല്ലാതെയായി തീരുന്നു. ഈ അവസരത്തിൽ കണ്ണുകൾ എങ്ങനെ നിശ്ചലമായി നിലക്കുമോ അതുപോലെ എന്റെ ഉള്ളം യാതൊരു സ്പന്തനവുമില്ലാതെ, നിശ്ചലമായി അങ്ങയിൽ ലയിച്ചു പരിലസിക്കണം.
അന്നവസ്ത്രാദി മുട്ടാതെതന്നു രക്ഷിച്ചു ഞങ്ങളെധന്യരാക്കുന്ന നീയൊന്നു-തന്നെ ഞങ്ങള്‍ക്കു തമ്പുരാന്‍. (3)അന്നം,വസ്ത്രം തുടങ്ങിയവ യാതൊരു മുട്ടും കൂടാതെതന്നു ഞങ്ങളെ രക്ഷിച്ചു പോരുകയും ധന്യരാക്കുകയും ചെയ്യുന്ന നീയൊന്നുമാത്രമാണ് ഞങ്ങള്ക്ക് തമ്പുരാനായിട്ടുള്ളത്
ആഴിയും തിരയും കാറ്റും-ആഴവും പോലെ ഞങ്ങളുംമായയും നിന്‍ മഹിമയുംനീയുമെന്നുള്ളിലാകണം. (4)അല്ലയോ ദൈവമേ! ആഴി ( സമുദ്രം), തിര, കാറ്റ് ആഴം എന്നിവ എങ്ങനെ വേറിടാതെ ഒന്നിച്ചിരിക്കുന്നുവോ അതുപോലെ ഞങ്ങളും, മായയും നിന്ടെ മഹിമയും നീയും ഒന്നുതന്നെയാണെന്ന സത്യം അനുഭവിച്ചറിയാൻ അവിടുന്ന് അനുഗ്രഹിച്ചാലും.
നീയല്ലോ സൃഷ്ടിയും സൃഷ്ടാ-വായതും സൃഷ്ടിജാലവുംനീയല്ലോ ദൈവമേ,സൃഷ്ടി-യ്ക്കുള്ള സാമഗ്രിയായതും (5)അല്ലയോ ദൈവമേ! നീ തന്നെയാണ് സൃഷ്ടിയും നീ തന്നെയാണ് സർവത്തിന്ടെയും സ്രഷ്ടാവും, സൃഷ്ടിക്കപെട്ടിട്ടുള്ള സർവതും നീ തന്നെയാണ്. സൃഷ്ടിക്കു വേണ്ടി ഉപയോഗിച്ചിട്ടുള്ള സർവസാമഗ്രികളും നീ തന്നെയാണ്.
നീയല്ലോ മായയും മായാ-വിയും മായാവിനോദനുംനീയല്ലോ മായയെനീക്കി -സ്സായൂജ്യം നല്‍കുമാര്യനും. (6)അല്ലയോ ദൈവമേ! നീ തന്നെയാണ് മായ, നീ തന്നെയാണ് മായാവി, നീ തന്നെയാണ് മായയെ ഉപയോഗിച്ച് വിനോദിക്കുന്നത്. മായയെ നീക്കി സായുജ്യം നൽകുന്ന ഗുരുവും നീ തന്നെയാണ്.
നീ സത്യം ജ്ഞാനമാനന്ദംനീ തന്നെ വര്‍ത്തമാനവുംഭൂതവും ഭാവിയും വേറ-ല്ലോതും മൊഴിയുമോര്‍ക്കില്‍ നീ. (7)അല്ലയോ ദൈവമേ! നീ സത്യമാണ്, ജ്ഞാനമാണ് , ആനന്ദമാണ്. ഒന്ന് ചിന്തിച്ചാൽ ത്രികാലങ്ങലായ വർത്തമാനവും , ഭൂതവും, ഭാവിയും വ്യസ്തസ്തമല്ലാത്ത ഒന്നുതന്നെയാണ് എന്ന് വെളിവാക്കിതരുന്ന മൊഴിയും - നാദവും (ॐ) നീ തന്നെയാണ്.
അകവും പുറവും തിങ്ങുംമഹിമാവാര്‍ന്ന നിന്‍ പദംപുകഴ്ത്തുന്നൂ ഞങ്ങളങ്ങുഭഗവാനേ, ജയിയ്ക്കുക. (8)അല്ലയോ ദൈവമേ! അകത്തും പുറത്തും തിങ്ങി നിറഞ്ഞുനിൽക്കുന്ന മഹിമനിറഞ്ഞ നിൻപദത്തെ (ॐ ) ഞങ്ങൾ പുകഴ്ത്തുന്നു. അല്ലയോ ഭാഗവാനെ, അങ്ങ് ജയിച്ചാലും.
ജയിയ്ക്കുക മഹാദേവ,ദീനാവനപരായണാ,ജയിയ്ക്കുക ചിദാനന്ദ,ദയാസിന്ധോ ജയിയ്ക്കുക. (9)അല്ലയോ ദൈവമേ! ദീനന്മാരായവരെ രക്ഷിച്ചു അനുഗ്രഹിക്കുന്ന മഹാദേവനായ അവിടുന്ന് ജയിച്ചാലും. ചിദാനന്ദാ ജയിച്ചാലും. കാരുണ്യക്കടലേ ജയിച്ചാലും.
ആഴമേറും നിന്‍ മഹസ്സാ-മാഴിയില്‍ ഞങ്ങളാകവേആഴണം വാഴണം നിത്യംവാഴണം വാഴണം സുഖം. (10 )അല്ലയോ ദൈവമേ! ആഴമേറിയ നിന്മഹസ്സാകുന്ന - ജ്യോതിസ്സാകുന്ന ആഴിയിൽ ഞങ്ങൾ എല്ലാവരും മുങ്ങിലയിച്ചു നിത്യമായി വാഴണം. ഭൗതിക ജീവിതത്തിലും ആത്മീയ ജീവിതത്തിലും നിത്യമായ സുഖം അനുഭവിക്കുവാൻ അനുഗ്രഹിച്ചാലും.
ശ്രീനാരായണഗുരു.
0 comments:
Post a Comment