പ്രതിരോധവും ധർമ്മവും

കൊറോണ അഥവാ കോവിഡ് 19 എന്ന രോഗ​ത്തിന്റെ പി​ടി​യിൽപ്പെട്ട് ലോക​മാകെ വിറ​കൊ​ള്ളു​ക​യാ​ണ്. വളരെ വേഗം പടരു​ന്നു​വെ​ന്നതും രോഗ​ശ​മ​ന​ത്തി​നായി നേരി​ട്ടൊരു ഔഷധം ഇല്ലെ​ന്ന​തു​മാണ് രോഗത്തെ ഇത്രയും ഭീതി​ദ​മാ​ക്കി​യി​രി​ക്കു​ന്ന​ത്. അതു​യർത്തുന്ന ഭീഷ​ണി​യു​ടെയും പ്രത്യാഘാ​ത​ത്തി​ന്റെയും വ്യാപ്തി​യെ​ന്തെന്നു ലോകത്തെ ബോദ്ധ്യപ്പെ​ടു​ത്തു​ന്ന​താണ് മഹാ​മാ​രി​യെന്ന ലോകാ​രോ​ഗ്യ​സം​ഘ​ട​ന​യുടെ പുതിയ പ്രഖ്യാ​പ​നം.

ചൈന​യിൽ നിന്നു​ദ്ഭ​വിച്ച് കേവലം അഞ്ചോ ആറോ ആഴ്ച​കൾക്കു​ള്ളിൽ ലോക​ത്താകെ പടർന്നു​ക​യ​റിയിരിക്കുന്ന മഹാ​വ്യാ​ധിയെ ചെറു​ക്കാൻ ലോകരാജ്യങ്ങൾ അവ​ര​വർക്കാ​യ​തെല്ലാം വിശ്ര​മ​മി​ല്ലാതെ ചെയ്യു​ക​യാ​ണ്. ഹസ്തദാനം നടത്തിയും മുത്തം നല്കിയും ആലിം​ഗനം ചെയ്തും സ്‌നേഹത്തിന്റെയും സഹ​ക​ര​ണ​ത്തി​ന്റെയും ഐക്യ​ത്തി​ന്റെയും പുത്തൻ സമ​വാ​ക്യം തീർത്ത മനു​ഷ്യൻ അതിൽ നിന്നെല്ലാം പിൻവാ​ങ്ങു​ന്നു, പിൻവാ​ങ്ങാൻ ആഹ്വാനം ചെയ്യുന്നു

പണക്കൊഴുപ്പിന്റെ മേളകളായിത്തീരുന്ന ഉത്സ​വ​ങ്ങളും ആർഭാ​ട​ത്തിന്റെ വിളം​ബ​ര​ങ്ങ​ളാ​യി​ത്തീ​രുന്ന വിവാ​ഹ​ങ്ങളും അഭിമാനത്തിന്റെ പ്രകടനമായിത്തീരുന്ന സത്ക്കാ​ര​ങ്ങളും വേണ്ടെന്നു വയ്ക്കാൻ നിർബ​ന്ധിതമായി​ത്തീ​രുന്ന സാഹ​ച​ര്യ​ത്തി​ലേക്ക് മനു​ഷ്യൻ എത്തിപ്പെട്ടി​രി​ക്കു​ന്നു. വിദ്യാ​ല​യ​ങ്ങളും സദ്യാ​ല​യ​ങ്ങളും ആരാ​ധ​നാ​ല​യ​ങ്ങളും പ്രദർശ​ന​ശാ​ല​ക​ളു​മെല്ലാം നിശ്ച​ല​മാ​യി​ക്കി​ട​ക്കുന്ന യുദ്ധ​സ​മാ​ന​മായ ഒരു​കാലം തന്നെ ഉരു​ത്തി​രി​ഞ്ഞി​രി​ക്കു​ന്നു.

യാത്ര​കളും വിനോ​ദ​ങ്ങ​ളു​മെ​ന്നു​വേണ്ട ആരാധനാലയങ്ങളിലെ പ്രാർത്ഥ​ന​കൾക്കുപോലും വില​ക്കു​കളും നിയന്ത്രണങ്ങളുമുണ്ടാ​വുന്ന ഒരു കാലം നമ്മുടെ ഓർമ്മയിലില്ല. ഇങ്ങനെ മനു​ഷ്യനെ നിസാരനാക്കുന്ന മഹാരോഗത്തിന്റെ പിടിയിൽ നിന്ന് രക്ഷപ്പെടാൻ ലോക​രാ​ജ്യ​ങ്ങൾക്കൊപ്പം കേര​ളവും ആവുന്നതെല്ലാം ചെയ്യു​ക​യാ​ണ്. ഒന്നാലോചിച്ചാൽ ഈ തത്ര​പ്പാ​ടെല്ലാം എന്തി​നു​വേ​ണ്ടി​യാ​ണ് ? ഒരു മനു​ഷ്യ​ജീ​വൻ പോലും ഈ മഹാ​രോ​ഗ​ത്താൽ നഷ്ട​പ്പെ​ടാ​തി​രി​ക്കാൻ വേണ്ടി​യാ​ണ്. ഈ മുന്നൊ​രു​ക്ക​ങ്ങ​ളെല്ലാം ഇന്ദ്രിയലാളനകളാൽ സുഖം തേടുന്ന മനുഷ്യശരീരത്തിൽ ഈ രോഗ​ത്തിന്റെ വൈറ​സിന് ഇരി​ക്കാ​നൊ​രിടം ഉണ്ടാ​വാതി​രി​ക്കാൻ വേണ്ടി​യാ​ണ്. ഇക്കാ​ര്യ​ത്തിൽ ജാഗ്ര​ത​ പുലർത്തുന്ന ആരോ​ഗ്യ​പ്രവർത്തകരെയും സർക്കാർ സംവി​ധാ​ന​ങ്ങ​ളെയും അഭിന​ന്ദിക്കുന്നു. എന്നാൽ ഇതിനോടൊപ്പം ചേർത്ത് പറയേണ്ട ഒരു കാര്യം ഇവിടെ പറ​യാ​തി​രി​ക്കാൻ കഴി​യു​ന്നുമി​ല്ല. മനു​ഷ്യ​സു​ര​ക്ഷയുടെ പേരിൽ, സാമൂ​ഹ്യ​സു​ര​ക്ഷ​യുടെ പേരിൽ, മനു​ഷ്യ​രുടെ വിനി​മ​യവും കൂടി​ച്ചേ​രലും പര​മാ​വധി വില​ക്കു​കയും നിയ​ന്ത്രി​ക്കു​കയും ചെയ്യുന്ന ഭര​ണ​കർത്താ​ക്കൾ രോഗപ്രതിരോധത്തിന് ​വേണ്ടി ഇനി​യെ​ന്തു​ ചെ​യ്യാനും മടി​ക്കി​ല്ലെന്നു തുറന്ന് പറ​യു​ന്നതിനൊപ്പം നമ്മുടെ നാട്ടി​ലുള്ള മദ്യശാലക​ളെല്ലാം തുറന്നു വയ്ക്കാൻ അനുവദിക്കുന്നത് ഒരു വിരോ​ധാ​ഭാ​സ​മല്ലേയെന്ന് ​തോ​ന്നു​ക​യാ​ണ്.

മനു​ഷ്യ​ജീ​വനു ഭീഷ​ണി​യായി വ്യാപി​ച്ചു​കൊ​ണ്ടി​രി​ക്കുന്ന കൊറോ​ണ ​പോ​ലെയോ അതി​ല​ധി​കമോ മനു​ഷ്യ​ജീ​വനു ആപ​ത്തു ​വ​രു​ത്തുന്ന ഒന്നാണ് മദ്യവും മറ്റ് ലഹ​രിഉത്പ​ന്ന​ങ്ങ​ളും. ഒരു കണ​ക്കെ​ടുപ്പു നട​ത്തി​യാൽ മദ്യ​പാനം കൊണ്ട് ജീവൻ നഷ്ട​പ്പെട്ടവരുടെ എണ്ണം കൊറോണ കൊണ്ട് ജീവൻ നഷ്ട​പ്പെ​ട്ട​വ​രുടെ എണ്ണ​​ത്തെക്കാൾ എത്രയോ മടങ്ങ് അധി​ക​മാ​യി​രി​ക്കു​മെന്ന് നമുക്ക് ബോധ്യ​പ്പെ​ടും. മറ്റൊന്ന് മദ്യാസക്തി കൊണ്ട് ജീവിച്ചിരിക്കെത്തന്നെ മര​ണ​തു​ല്യ​രാ​യി​ക്ക​ഴി​യു​ന്ന​വ​രുടെ പെരു​പ്പ​മാ​ണ്. രോഗം തോല്പി​ക്കു​ന്നത് നമ്മുടെ ശരീ​ര​ത്തെയാ​ണ്. അതൊ​രു​പക്ഷേ മര​ണ​ത്തി​ലേ​ക്കു​വരെ കൂട്ടി​ക്കൊ​ണ്ടു​പോ​വുകയും ചെയ്‌തേ​ക്കാം. എന്നാൽ മദ്യം ഒരു​വന്റെ ശരീ​ര​ത്തെ മാത്ര​മല്ല തോ​ല്പിക്കു​ന്നത് , ബുദ്ധി​യെയും തൊഴി​ലി​നെയും സ്വാത​ന്ത്ര്യ​ത്തെയും സാമൂഹ്യ പ്രതിബദ്ധതയെയും കൂടി​യാ​ണ്. ഇതാ​കട്ടെ ഒരു വ്യക്തി​യുടെ മരണത്തി​ലേ​ക്കല്ല അതി​ന​പ്പുറം സമൂഹത്തിന്റെ നിർജീവതയിലേക്കാണ് നമ്മെ നയി​ക്കു​ന്ന​ത്.

കൊറോ​ണ​യ്ക്കു​ മു​ന്നിൽ സർവ ഉണർവോടും കൂടി നില്ക്കുന്ന നമ്മൾ സമൂ​ഹ​ത്തിന്റെ ആരോ​ഗ്യ​ത്തെ​ കെ​ടു​ത്തുന്ന മദ്യ​ത്തിനു മുന്നിൽ ഉണർവറ്റു നില്ക്കു​ന്നത് ഭൂഷണമല്ല. സർവ സി​ര​ക​ളെയും മന്ദീഭ​വി​പ്പിച്ചു മനുഷ്യനെ മൃത​തു​ല്യനും മൃഗതുല്യനുമാക്കി മാറ്റുന്ന മദ്യം കൊറോണ വൈറ​സ് പോലെതന്നെ മനു​ഷ്യ​ജീ​വന് ഭീഷ​ണി​യു​യർത്തുന്ന മഹാവിപത്താണെന്ന തിരി​ച്ച​റി​വിലേയ്ക്ക് ഇത്തരം ഒരവസ്ഥയിൽ പോലും നാം ഉണരാത്തത് ഖേദകരമാണ്.

ഗുരു​ദേ​വ ​തൃ​പ്പാ​ദ​ങ്ങൾ അരു​തെന്ന് വില​ക്കി​യത് മദ്യ​ത്തെ​യും ജാതി​യെ​യും മാത്രമാ​ണ്. 'മദ്യം വിഷ​മാ​ണ്. അതു​ണ്ടാ​ക്ക​രുത്, കൊടു​ക്ക​രു​ത്, കുടി​ക്ക​രുത്'. 'ജാതി ചോദി​ക്ക​രു​ത്, പറ​യ​രു​ത്, ചിന്തി​ക്ക​രു​ത്.' ഈ രണ്ടി​ന്റെ​യും അരു​തില്ലായ്മ​കൾ മനു​ഷ്യനെ മനു​ഷ്യ​ന​ല്ലാ​താ​ക്കു​മെന്ന ഗുരു​ചിന്തയെ ഇനിയും മാറി​മാ​റി​വ​രുന്ന സർക്കാ​രു​കളും സമൂ​ഹവും വേണ്ടത്ര ഗൗര​വ​ത്തിൽ ഉൾക്കൊ​ണ്ടി​ട്ടു​ള്ള​താ​യി കാണു​ന്നി​ല്ല. മദ്യം നമ്മുടെ ബുദ്ധി​യെ നശി​പ്പി​ക്കു​മെന്നും സ്വാത​ന്ത്ര്യത്തെ തട​യു​മെന്നും ഗുരു​ദേ​വൻ നിരന്തരം ഓർമ്മി​പ്പി​ച്ചിട്ടുള്ളതാണ്. പക്ഷേ മറ്റെല്ലാം കൃത്യ​മായി ഓർമ്മി​ക്കുന്ന നമ്മൾ ഇതു​മാത്രം സൗക​ര്യ​പൂർവം ഓർമ്മി​ക്കാ​തി​രി​ക്കു​കയാണ്.

ഒരു പറ അരി ഒരു വാർപ്പിൽ വേവി​ക്കു​മ്പോൾ അതി​ലൊരു ചിലന്തി വീണാൽ നല്ല ​വി​ശ​പ്പുണ്ടായാൽപ്പോലും ഒരുവൻ അത് കഴി​ക്കാതെ മാറി​നി​ല്ക്കും. ശരീരത്തിനത് അപായമുണ്ടാക്കുമെന്ന ആശങ്കയാണ് കാരണം. അതു​പോ​ലെ​യാണ് മദ്യ​പാനം ശീല​മാ​ക്കി​യ​വനെ നമ്മൾ ഒഴിവാക്കേണ്ടതും. അതൊരു ജീവൽസന്ദേ​ശ​മായിത്തന്നെ ഗുരു​ദേ​വൻ അരു​ളി​ചെ​യ്തി​ട്ടു​ണ്ട്. 'മദ്യാ​സ​ക്ത​നെ ഭാര്യ​യും പിതാവും മാതാവും സഹോ​ദ​രനും പുത്രനും എന്നു​വേണ്ട ഈശ്വ​രൻ പോലും ദ്വേഷി​ക്കു​ന്നു. അതു​കൊണ്ടു മദ്യത്തെ ഉപേ​ക്ഷി​ക്ക​ണം.' കുടും​ബത്തിനും സമൂ​ഹ​ത്തിനും ഇത്രയും വിപത്ത് വരുത്തുന്ന വിഷ​വ​സ്തു​വാണ് മദ്യം എന്ന​റിഞ്ഞിട്ടും അതിനെ ജീവി​ത​ത്തിന്റെ ഭാഗ​മാ​ക്കാൻ അവ​സ​ര​മേ​കുന്ന സമീ​പനം ഒരി​ക്കലും മനു​ഷ്യ​ജീ​വനു വില​ക​ല്പി​ക്കു​ന്ന​തിന്റെ ലക്ഷ​ണ​മ​ല്ല, മനു​ഷ്യനെ സ്‌നേഹി​ക്കു​ന്ന​തി​ന്റെയും അവന്റെ ബുദ്ധിയെ ദൃഢ​മാ​ക്കു​ന്ന​തി​ന്റെയും ലക്ഷ​ണമ​ല്ല.

കൊറോണ ഉയർത്തുന്ന ഭീതിയും നാശവും പ്രകൃ​തി​യു​ടെയും മനു​ഷ്യ​സ​മൂ​ഹ​ത്തിന്റെ പ്രതി​രോ​ധ​പ്ര​വർത്ത​ന​ങ്ങ​ളു​ടെയും ഫല​മായി നാളെ ഒഴി​ഞ്ഞു​പോ​കുക തന്നെ ചെയ്യും. എന്നാൽ വീണ്ടും മറ്റൊരു മഹാ​മാരി നാളെ വന്നു​കൂ​ടെ​ന്നുമി​ല്ല. അപ്പോഴും നമ്മൾ പ്രതി​രോ​ധ​ത്തി​നായി വേണ്ട​തെല്ലാം ചെയ്യാൻ മുന്നിട്ടിറങ്ങും. പക്ഷേ ഇതിനെല്ലാം മുൻപ് പ്രതിരോധിക്കേണ്ടതും നിരോധിക്കേണ്ടതും മദ്യത്തിന്റെ ഉപയോഗവും വ്യാപനവുമാണ്. ഭഗ​വാൻ ബുദ്ധൻ പറ​ഞ്ഞ​തു​പോലെ ധർമ്മ​ചി​ന്തയ്ക്കു മുൻപ് ആച​രി​ക്കേണ്ട ഒരു ധർമ്മ​മു​ണ്ട്. അത് വിശ​ക്കു​ന്ന​വന്റെ വിശ​പ്പ​ട​ക്കുക എന്ന​താ​ണ്. കാരണം വിശ​പ്പു​പോലെ അസ​ഹ​നീ​യ​മായ മറ്റൊരു വ്യാധി​യി​ല്ല. അതു​പോലെ മനുഷ്യന്റെ ബുദ്ധിയെ ദുഷി​പ്പി​ക്കു​ന്ന, മനു​ഷ്യ​ജീ​വനു ഭീഷ​ണി​യാ​കുന്ന, മദ്യത്തെ മറ്റേതിനും പ്രതി​രോധം തീർക്കും​മുമ്പ് പ്രതി​രോ​ധി​ക്കുക എന്ന​താ​വണം നമ്മുടെ ധർമ്മം.

സ്വാമി വിശു​ദ്ധാ​നന്ദ_ (പ്രസി​ഡന്റ്, ശ്രീനാ​രാ​യ​ണ ധർമ്മസംഘം)

https://www.facebook.com/photo?fbid=929879044108148&set=gm.489938345010863

Posted in: