എസ് എൻ ഡി പി യോഗം ഡൽഹി യൂണിയന്റെയും കാൽക്കാജി ശാഖയുടെയും നേതൃത്വത്തിൽ പതിനൊന്നാമത് പ്രതീകാത്മക ശിവഗിരി തീർത്ഥാടനം ജനുവരി 5നു ഗോവിന്ദപുരി ഗുരുദേവ ക്ഷേത്രത്തിൽ കൊണ്ടാടി. ഡൽഹിയിലെ കൊടും തണുപ്പിനെ വകവെക്കാതെ കാൽക്കാജി അളകനന്ദ ബാലഗോപാല ക്ഷേത്ര നടയിൽ നിന്ന് രാവിലെ 8നു ആയിക്കണക്കിനു ഗുരുദേവ ഭക്തർ പങ്കെടുത്ത പദയാത്ര 5 കി.മി താണ്ടി ഗോവിന്ദപുരി ഗുരുദേവ ക്ഷേത്രത്തിൽ എത്തിച്ചേർന്നു ഗുദേവ പൂജകളിൽ പങ്കെടുത്തു.
ഡൽഹിയിൽ താമസിച്ചു ജോലിചെയ്യുന്ന ഗുരുദേവ ഭക്തർക്ക് ശിവഗിരി തീർത്ഥാടനത്തിൽ പങ്കെടുക്കുക എന്നത് അസാധ്യമാണ് എന്നത് കണക്കിൽ എടുത്തുകൊണ്ട് 2009 ഇൽ യൂണിയൻ പ്രസിഡന്റ് ശ്രീ ടി.കെ.കുട്ടപ്പൻ അവറുകളും യൂണിയൻ സെക്രട്ടറി സി കെ പ്രിൻസ് അവറുകളും ആണ് ഡൽഹിയിൽ പ്രതീകാത്മക തീർത്ഥാടനത്തിന് തുടക്കം കുറിച്ചത്. തീർത്ഥാടനത്തിന്റെ ലക്ഷ്യങ്ങൾ ഉൾകൊണ്ടുകൊണ്ടുള്ള മുതിർന്നവരുടെയും കുട്ടികളുടെയും പ്രഭാഷണങ്ങളും നടന്നു വരുന്നു.
ഇന്ന് ശിവഗിരി തീർത്ഥാടന ലക്ഷ്യങ്ങളെകുറിച്ച് ഡൽഹി സഫ്ദർജംഗ് ആശുപത്രിയിലെ സീനിയർ നഴ്സിംഗ് ഓഫീസർ ആയ ശ്രീമതി പ്രീതി ദിനേശൻ അവറുകൾ പ്രഭാഷണം നടത്തി
ഇന്ന് നടന്ന പ്രതീകാത്മക തീർത്ഥാടനത്തിന് യൂണിയൻ വൈസ് പ്രസിഡന്റ് ശ്രീ ടി എസ് അനിൽ യൂണിയൻ സെക്രട്ടറി ശ്രീ സി കെ പ്രിൻസ് യോഗം ബോർഡ് മെമ്പർ ശ്രീ എം കെ അനിൽ , യൂണിയൻ കൗൺസിലർമാർ യൂണിയൻ പഞ്ചായത്ത് കമ്മറ്റി അംഗങ്ങൾ, കാൽക്കാജി ശാഖാ പ്രസിഡന്റ് ശ്രീ രവി , യൂണിയൻ വനിതാ സംഗം പ്രസിഡന്റ് ശ്രീമതി സുധ ലച്ചു , സെക്രട്ടറി ശ്രീമതി ജ്യോതി ബാഹുലേയൻ വിവിധ ശാഖാ ഭാരവാഹികൾ , വനിതാ സംഗം യൂണിറ്റ് ഭാരവാഹികൾ , യൂത് മൂവേമെന്റ് ഭാരവാഹികൾ മുൻ യൂണിയൻ ഭാരവാഹികൾ എന്നിവർ നേതൃത്വം നൽകി.....
0 comments:
Post a Comment